Буран нәтиҗәсендә 30 яшьлек ир-атның өстенә тимер капка авып, баш сөяген сындырган.
Республика клиник хастаханәсе табиблары аны көч-хәл белән үлем тырнагыннан йолып калган.
Баш сөяге сынган ир-атны РКБга дусты алып килгән. «KazanFirst» клиниканың матбугат хезмәте хәбәренә таянып язганча, алар икәүләшеп авыр тимер капка урнаштырмакчы булган. Шулчак көчле җил чыгып, капканы ир-атның башына аударган. Дусты аны шундук хастаханәгә озаткан.
Республика клиник хастаханәсе табиблары ир-атның сул як чигә сөяге һәм баш сөяге сынуын ачыклаган. Нейрохирург Ренат Бекбулатов аңа операция ясаган. Хәзер сырхау инде палатага чыгарылган, хәле яхшыра.
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев