Республика көне белән!

Татарстанда яшәүче халыкларның тынычлык, татулык, бердәмлек хакына берләшүен гәүдәләндерүче бу бәйрәм һәркайсыбызга республикабызның бай тарихы, мәдәнияте һәм икътисади мөмкинлекләре белән хаклы рәвештә гоурланырга этәргеч бирә. Тататрстаныбыз бүген бай икътисади потенциалга, нык үскән социаль инфраструктурага ия. Кешеләрнең тормыш дәрәҗәсе үсә. Шул исәптән райондашларыбызның да тормыш-көнкүреше елдан-ел яхшыра, уңайлы шартлар күзгә күренеп арта. Көчле икътисад, хокукый дәүләт, теләктәш җәмгыять - Республикабызның уңыш формуласы. Һәм без Ватаныбызның тотрыклы яшәеше, якты киләчәге өчен җан атып яшәргә һәм хезмәт куярга бурычлы. Һәрбарчагызга да исәнлек-саулык, тазалык-байлык, күңел көрлеге, җан тынычлыгы, гаиләләргә иминлек телим.