Әтиебез Гайнуллин Айрат Габдулла улының күркәм юбилее

Меңнәргә үрнәк булырлык әтиебез! Сине 50 яшь тулу уңае белән котлыйбыз. Безне аякка бастырып, олы юлга чыгарганчы әни белән сиңа күп сынаулар үтәргә туры килгәндер. Кадерләп үстереп, аталарча кайгыртканың, гаделлеккә өйрәткәнең өчен зур рәхмәт сиңа, әти. Безнең өчен һәрчак олы җанлы, киң күңелле кеше, таянычыбыз, ышанычыбыз, киңәшчебез син. Синең кебек сабыр, миһербанлы, саф күңелле әтиләр бик сирәктер. Һәрвакыт ягымлы, йомшак күңелле генә булып калмыйча, кирәк вакытта кырыс та, таләпчән дә була беләсең.

Өебез һәрвакыт ямьле, ризыклы булсын, әниебез Раушания белән бер-берегезгә куаныч, терәк, ышаныч булып озак гомер итегез. Алдагы көннәреңдә дә сау-сәламәт булып, безнең шатлыкларга сөенеп яшәргә язсын иде, барысы өчен дә мең-мең рәхмәтләр сиңа!

Иң изге теләкләр белән кызың Сиринә, улың Марсель, киявең Илнар. Безнең теләкләргә әниебез дә кушыла.

Марсель Гайнуллинн фотосы.