11 июльдән алып 10 августка кадәр республика буенча «Иминлек каешы» профилактик чарасы үткәрелә. Аның барышында иминлек каешын эләктермәгән шоферлар һәм пассажирлар аерым контрольгә алыначак.
– Чараның максаты – юл хәрәкәтендә катнашучылар тарафыннан куркынычсызлык каешларын куллануда административ хокук бозуларны кисәтү һәм булдырмау. Шуңа да көн саен участок полиция хезмәткәрләре белән берлектә рейдлар үткәрәбез. 11-19 июль көннәрендә 61 шоферга, 3 пассажирга иминлек каешын куймаган өчен административ беркетмә төзелде, – дип искәртеп узды район ЮХИДИ бүлеге җитәкчесе Рафил Шәймөхәммәтов.
Шуны да ассызыклап үтәсе килә, ярты ел эчендә респуб-лика юлларында иминлек каешын куймаучылар катнашында 32 юл-транспорт һәлакәте теркәлгән, аларда 14 кеше һәлак булган, 25е төрле тән җәрәхәтләре алган. Районыбыз буенча ярты еллык саннарга күз салсак, узган ел – 685, быел 657 шоферга беркетмә төзелгән. Бу төр кагыйдә бозуга каралган штраф бәясе 1000 сумны тәшкил итә. Ләкин ничек кенә булмасын, күп шоферлар иминлек каешын гомерне саклап калу чарасы итеп түгел, ә штраф «чәпемәсеннәр» өчен куллана. ЮХИДИ тармагында шундый әйтем бар – кагыйдәләр кан белән языла, бу сүзләрне беребез дә онытмасак иде.
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев