Зәйдә көчле җил йортларның түбәләрен алып аткан

(Казан, 30 май, “Татар-информ”). Зәй районында һәм шәһәрдә көчле җил шәхси йортларга һәм хуҗалык корылмаларына зыян салган, дип хәбәр итә “Новости Заинска”.

Шәһәрнең Зәй-2 иске өлешендә, Кызыл Армия, Ударная, Полевая урамнарында йортларның түбәсен алып аткан.

Кызыл Армия урамында Профнастил калдыклары газ торбасына ауган, шул сәбәпле бу йортларга газ бирү туктатылган. Газүткәргечне иртәгә ремонтлаячаклар.

Әхмәт, Кадер, Куш-Елга авылларында берничә хуҗалык корылмаларының түбәләрен алып аткан.

Фото: zainsk-inform.ru

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.