Арбор авылы чишмәләргә бик бай. Аларның саны җидегә җитә. Шуның берсе урман эчендә икән. Ә менә Мөнингәр чишмәсе миндә аеруча зур кызыксыну уятты.
Чишмәгә елга аша матур күпердән чыгасы. Күпере дә серле. Биредә яшь парлар язылышкан көнне йозак элә икән. Ә чишмә үзе бер могҗиза. Тирә-ягы чиста, үләннәр чабылган, агачлар үсеп утыра. Чишмә өендә үрелгән канәфи, өстәл, урындык, эскәмия, су эчәр өчен чүмеч, хәтта мендәргә кадәр бар. Өстәл өстендәге чәчәкләр хакында әйтеп тә тормыйм. Әйтерсең, серле бер дөнья.
Нет комментариев