Ципья Лулчеберет юртысь устолыкъя кивалтӥсь Михайлова Евгения Петровна лулчеберет удысэз азинтонэ люкет пыртэмез понна Татарстан Республикаысь Лулчеберетъя министерстволэн Данъян грамотаеныз пусйиськиз.
Женяпаез Ципья палъёсын гинэ ӧвӧл, быдэс ёросамы но тодо, дыр. Со кадь усто мызганэн шудӥсь нылкышноос трос ӧвӧл угось. Учкисьёсты пӧртэм кылын кырӟаны быгатэменыз но синмаськытэ со.
Евгения Петровна сюлмысь яратэ аслэсьтыз ужзэ. Ципьяысь Лулчеберет юртын устолыкъя кивалтӥсь луыса со 2015-тӥ арысен ужа. Со дырозь Вуж Ципья клубын мыло-кыдо тыршем.
Аспалмес та вылӥ данъетэныз сюлмысь ӟечкыласьком но выль азинсконъёс, выль вормонъёс сӥзиськом!
Нет комментариев