2-тӥ оштолэзе Удмуртиын но солэн палэназ «Бадӟым удмурт диктант» шуыса нимаськись улосвылкуспо дышетон акция ортчоз.
Таин валче Татарстанын но нимысьтыз площадкаос ужалозы. Соослэн кӧняез ке асьме Балтась ёросамы луоз шуыса витиське. Туннэ нуналлы тодмо: Покчи Лӧзя но Шор Кушкет шоръёзо школаос диктант гожтон площадкаос кылдытон понна заявка лэзиллям ини. Озьыен, удмурт кылын шонер гожъяськемзэс эскерыны мылкыд карисьёс вылӥын пусъем площадкаосы лыктыны быгато. Ужрад 2-тӥ оштолэзе 12.00 часэн кутскоз.
Тодады вайытӥськом, диктант гожтонэ вань мылкыд карись адямиос пыриськыны быгато шуыса.
Нет комментариев