Асьме дышетскисьёсмы вормисьёс но призёръёс пӧлын

Удмурт кылъя элькун олимпиадае туэ Кукмор, Агрыз, Менделеевск но асьме Балтась ёросъёсысь пиналъёс пыриськизы. Озьы Ципья, Шор Кушкет но Покчи Лӧзя шоръёзо школаосысь район этапын вормем но призо инты басьтэм нылпиос асьсэ тодон-валанзэс элькун масштабын эскеризы. Шумпотыны но данъяськыны быгатӥськомы: удмурт кылъя но литературая элькун олимпиадаын асьмелэн туэ но вормисьёсмы но, призёръёсмы но вань. Ципья шоръёзо школаысь 11-тӥ классын дышетскись Анна Антонова (дышетӥсез Ираида Чернова) но Покчи Лӧзя шоръёзо школаысь 10 классын дышетскись Полина Плотникова (дышетӥсез Наталия Антонова) вормисе потэменызы шумпоттӥзы. Нош Ципья шоръёзо школаысь 10-тӥ классын дышетскись Елена Александрова (дышетӥсез Ираида Чернова) но Покчи Лӧзя шоръёзо школаысь 9-тӥ классын дышетскись Дарья Артемьева (дышетӥсез Ольга Пчельникова) призо инты басьтэменызы мылкыдэз ӝутӥзы. Сюлмысь ӟечкыласьком тодэм-валамзэс возьматыны быгатэм нылпиосты но соосты та эскеронлы дасян понна вань тодэмзэс но быгатэмзэс уже кутэм дышетӥсьёссэс. Вуонояз но азинсконъёс но вормонъёс тӥледлы!