Кайбер социаль челтәрләрдә Ярак-Чурма авылында төзелеп килүче яңа күп функцияле үзәк территориясенә асфальт җәелү-җәелмәү хакында сүзләр йөри.
Бу мәсьәлә хакында район төзелеш һәм архитектура бүлеге җитәкчесе Илфат Сәгъдиев җавап бирә:
"Ярак-Чурма авылында төзелеп килүче күп функцияле үзәк территориясенә проект буенча асфальт җәю каралмаган. Проектта благоустройство булдыру, ягъни ул территорияне төзек хәлгә китерү хакында гына әйтелә. Ә нәкъ менә асфальт җәелергә тиешлеге планда каралмаган. Шулай булуга да карамастан, халыкка уңайлы булсын өчен, күп функцияле үзәк территориясенең каршына, машиналар кую урынына асфальт җәелде. Ә керү юлына вак таш түшәлде".
Чыганак: baltasi_official
Нет комментариев