«Наз» социаль-тернәкләндерү бүлекчәсенә янгын куркынычсызлыгы кагыйдәләрен искәртү максатыннан Чепья авылында урнашкан янгыннан саклау бүлеге хезмәткәре Габдулла Ганиев килде, дип хәбәр иттеләр бүлекчәдән.
Габдулла Гыймранович тернәкләнү узучыларга янгыннан саклану чаралары турында сөйләде, өйдә көнкүреш электр җиһазлары белән сак эшләргә өндәде, янгын чыга калса нишләргә кирәклеген искәртеп үтте. Тернәкләнү узучылар үзләрен борчыган сорауларга җаваплар таптылар hәм саклык чараларын төгәл үтәгән очракта гына тормышларын куркыныч астына куймаганнарын аңладылар.
Нет комментариев