Кәбестә организм өчен кайсы ягы белән файдалы?

Салкын тиеп авырганда тозлаган кәбестәне бигрәк тә ашарга кирәк. Файдасы ягыннан чәчәк кәбестә белән брокколи да гади кәбестә кебек үк.

Брокколида А, С һәм B витаминнары, кальций, тимер бар. Аны аеруча йөрәк авырулы кешеләргә ашарга киңәш итәләр, ул организмнан холестеринны чыгара, кандагы шикәр күләмен тигезли.Чәчәк кәбестәдә клетчатка, азык җепселләре, үсемлек аксымы, B, С, K витаминнары һәм калий, бакыр, тимер, фосфор кебек микроэлементлар бик күп. 

Әлеге ике төр кәбестә дә бик тиз әзерләнә.

Хуҗабикәләр өчен бер киңәш: кайнар суда пешереп алгач, аларны бик салкын суда тотыгыз, шулай эшләгәндә термик эшкәртү процессы тиз туктый һәм аларның төсе дә, формасы да үзгәрми.