Хезмәт

21-тӥ февраль — Анай кыллэн калыккуспо нуналыз

17-тӥ ноябре 1999-тӥ арын ЮНЕСКО-лэн Генеральной конференциез 21-тӥ февраль нуналэз Анай кыллэн нуналэныз ялӥз.

Пусйиськыны кутскиз 2000-тӥ арысен. Кылдытэмын трос кылъёсты дышетон мылкыдэз улӟытон, кыл но лулчеберет узырлыкъёсты азинтон ужпумен.
Кызьы тодӥськом, кыл - со материальной но духовной наследимес утён но азинтон понна тужгес кулэез но кужмоез «инструмент». Но кыл вераськон, ог-огеныд кусып возён амал гинэ ӧвӧл, солэн кулэлыкез трослы паськытгес. Кыл асьмелэсь дунневаланмес, улон шоры учкеммес шарая, ортчемзэ туалаеныз, вуоноеныз юн нюжаосын герӟаса возьматэ. Анай кылъёс сярысь ке верано, соос котькуд адямилэн улоназ вордскемез дырысен нимысьтыз пытьы кельто. Озьы бере, улон шоры учкон но аспӧртэмлыко луэ.
ЮНЕСКО-лэн пусъемезъя, дуннеын луэм ог 6 сюрс кылъёслэн ӝыныез матысь дыре бырон кале вуыны быгатоз. Угось калык ке быре, кыл но быре.
P.S. Вань сыӵе малпан: суро семьяосын пинал, атаезлэсь сярысь, анаезлэсь кылзэ матынгес каре, солэсь кылзэ чальгес дышетскыны быгатэ, пе.
Тӥляд та ласянь малпанды кыӵе? Соглаш-а тӥ та веранэн? Тӥляд малпамдыя, районын анай (удмурт) кылэз дышетон кыӵе югдурын? Асьтэ малпанъёстэс редакцие лэзьыны яке газетмылэн baltaci.ru сайтаз гожтыны быгатӥськоды.
Удмурт кыл
Кыл ванен, пе,
Дунне кылдэмын.
Кыл бордысь ик
Кылдӥз, дыр, Кылчин.
Удмурт кыл -
Удмуртлэн шорсюлмыз.
Удмурт кыл пыр
Удмурт мон ачим.
Кыл пушкын -
Калыклэн кылдэмез,
Кыл сюлмын -
Чигымтэ чиданэз...
Вашкала выжымес,
Удмуртмес вузалом шат,
Быдтыны сётомы шат кылмес?
Кыл сярысь
Ченгеше куд-огез:
Удмурт кыл, пе,
Бусы капкаозь!
Вашкала шумесын
Улӟытэм визь-нодэн
Удмурт кыл асьмемыз визьмалоз.
Визьмалоз со сое,
Кин тодэ:
Анайлэн верамез -
Ӵыжтэм вӧй.
Анаед шат ӧз визьма тонэ,
Анай кыл
Номыр кадь ик ӧвӧл?!
Фото: http://alfavit.hu/news/2013/02/15/native-language-holiday-2013/

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: