Хезмәт

28 июньысен 1 июлёзь асьме районамы «БиГерд» форум ортчоз

Дыр вуиз тодэ вайыны, мар со сыӵе "БиГерд" БиГерд – удмурт егитъёслэн улосвылкуспо форумзы. Со ортчоз 28 инвожоысен 1 пӧсьтолэзёзь Балтаси ёросын "Романтик" лагерьын.

Туэ Форумын луоз 4 направление:
- творческой
- дизайн
- этно- блогинг
- спортивной
Озьы ик туэ ортчоз бадӟым флешмоб, кудӥз люкалоз эшшо но тросгес тунсыко егитъёсты!!!!!
Возьмаськом, котькуддэс но сётӥськом ссылка, кытын быгатӥськоды заявкаостэс сётыны

https://docs.google.com/forms/d/e/1FAIpQLSd_Q6CZVbJvtasA9ekxJ8-3da3d7av_CQ_veaSyW_wU3eNDPg/viewform

ДИЗАЙН
Модератор- Константинова Татьяна Егоровна
Тужгес но ненег, небыт сямо дизайнер дышетоз тӥледыз аспӧртэмлыко малпаськыны но лэсьтыны тунсыко арт- объектъёс😌
Куратор- Демьянова Кристина Васильевна
Пальпотӥсь Кристина котьку но тӥледлы юрттоз, но кузьмалоз задор мылкыд

СПОРТИВНОЙ НАПРАВЛЕНИЕ
Тужгес но та направление тунсыко луоз мугорэз кыдатӥсь, спортэз яратӥсь адмиослы!!!
Модератор- Фёдоров Николай Павлович.
Та адями тӥледыз дасялоз "Гырон быдтон" праздниклэн спортивной люкетаз. Валэктоз но дышетоз, тэк пукыны уз сеты
Куратор- Королёв Сергей Алексеевич
Нош таиз адями "доверенное лицо " модератора. Котьку но лякыт сямо, котьку но юрртоз, шумпоттытоз😜

ЭТНОБЛОГИНГ
Та направление со адямиослы, кудъёсызлы ваньмыз тунсыко, кудъёсызлэн котьку но киязы телефон но ноутбук, кудъёсыз иворто но верало!
Модератор- Елена Рябина "Удмурт Кенеш" огазеяськонлэн пресс- секретарез, "Удмурт дуннеысь" корреспондент.
"Туж яратӥсько ветлыны удмурт но финн-угор ужрадъёсы, гожъяны соос сярысь.
Пыриськи пӧртэм форумъёсы, лагерьёсы, мастер-классъёсы но тренингъёсы",- вера ачиз сярысь Лена.
Та адями валэктоз тӥледлы, ма со сыӵе блогинг но солэсь ужрадзэ
Куратор- Александр Рябин. "Тунсыкъяськисько шаертодонэн, биологиен но историен но со удысъёсъя исследовательской ужъёс лэсьтисько. Озьы ик мыло-кыдо пыриськисько эктонъя кружоке"-, вера Саша.
Та адями луоз модераторлэн валтӥсь юрттӥсез но тиледлы ваньзэ пыр-поч валэктӥсез

ТВОРЧЕСКОЙ
Таиз направление тунсыко луоз кин яратэ эктыны но кырӟаны. Сыӵе адямиос котьку но быгатозы шулдыртыны но шумпоттыны.
Модератор- Александров Павел Андреевич. Тодматоз тӥледыз удмуртъёслэн но бигер- удмуртъёслэн кырӟан творчествоенызы. Шонер куарадэс пуктоз, чебер кырӟаны дышетоз.
Модератор- Самсонова Анна Владимировна. Зэмос удмурт эктон тыпыртонтэк уг луы, соин ик та адями дышетоз шонер тыпыртыны, чебер беграны но эктыны.
Куратор- Потапова Надежда. Шунды нылаш котьку но тӥледлы юрттоз, шумпоттытоз.

«Молодёжное крыло НКА удмуртов Татарстана» ВКонтакте группаысь басьтыса дасямын

 

 

 

Теги: форум
Нравится
Поделиться:
Реклама
Комментарии (0)
Осталось символов: