5-тӥ мае Сырья клубын Николай Жуковез буре ваён ӝыт ортчоз

«Капчи мылкыд» ансамбльын кырӟаз аспалмы, Сырья гуртын вордскем но пинал дырзэ ортчытэм Николай Жуков. Кырӟась, мызганчи, композитор, калыкез огазеясь усточи, Удмурт Республикаысь культура удысысь дано ужась, Николай Валентинович вань улонзэ культура удыслы сӥзиз. Кемалась солэн асьсэлэн ансамбленызы вордскем гуртаз, Сырьяе, концертэн лыктэмез потэ вал. Но ӧз кылды – кылем арын Николай Жуков та дуннеысь кошкиз. Соин но «Капчи мылкыд» ансамбльын тыршисьёс Николай Валентиновичлэсь малпанзэ быдэстон понна, асьме доры концертэн лыктоно каризы. Концерт ортчоз субботае, 5-тӥ мае. Кутсконэз 19.00 часэ. Дуныз – бадӟымъём понна 100 манет, нылпиос понна – 50 манет. Гажаса лыктэлэ!