Хезмәт

Балтач районы

18+
2024 - Гаилә елы
Азьлане

Анай – улонлэн маякез

Терентьевъёс ёросмылэн историяз адӟем карымон улонэнызы, тыршыса ужаменызы ас интызэс тодмосто.

Трос нылпи будэтӥсь анай-атай шоры гажанэн учкиськом. Тужгес но синмаськытэ анайёслэн каньыллыксы но тыршемзы. Ватонэз ӧвӧл, соослэн али дӥсьтонзы но луыны кулэ. Нина Терентьева но сыӵеос пӧлысь. Чебер инкуазен Сала Кушкет гуртын вордскем Нина пичиысен тыршись луыса будэ. Школаез йылпумъяса, палэнэ уг кошкы, гуртэ кыле. Нина Николаевна кема аръёс ӵоже скал кыске но котьку азьмынӥсьёслэн радазы луэ. Дыр ортчыса сое фермаен кивалтыны тодмосто. Туннэ нуналэ кышномурт Пор-Кутеш гуртысь 1200 йырлы чаклам вить фермаен кивалтэ. Кема аръёс ӵоже тыршыса ужамез понна «Гурт возёс удысысь сӥё-дано ужась» нимен пусйиське. «Нина Николаевна – секыт дыре югдурдэ валась, юрттэт кизэ мычись мурт», — шуо со сярысь гуртоосыз. Паймымон сюлмаськись, нылпиосты яратӥсь но жалясь анай луэменыз но со синмаськытэ. Нина но Василий Терентьевъёс – Ӟаны гуртысь адӟем карымон семьяос пӧлысь одӥгез. Кин гинэ, ку гинэ ӧз вазиськы, соос котьку юрттыны дасесь. Ог-огзэс пал кылысен валаса но гажаса улӥсь, тыршись семьяын будэм нылпиос но анай-атайзылы ӟеч карыса гинэ уло. Нина Терентьева ужзэ но яратыса, сюлмысь быдэстэ, нылпиосыз сярысь но яратыса вера. «Анайлэн данэз» медален пусйиськем кышномуртлэсь нылпиосыз сярысь юаме бере, со, туж данъяськыса, «четыре сыночка и лапочка дочка» шуыса мынектӥз. Бадӟым пиоссы ини кузпалъяськемын, Казаньын уло. Александр кузпалэныз ӵош одӥг пи но одӥг ныл будэто. Олег но кышноеныз Казаньын улэ. Юрий но, агайёсыз кадь ик, пичиысен тыршись, ужась луыса будэм. Туннэ нуналэ ужа но улэ шоркарын. Пиос пӧлысь одӥг нылаш, Юлия, Йошкар-Ола городын тодон-валан басьтэ. Покчиез пизы Василий вӧзазы, Шор Кушкет школаын дышетске.

– Нылпиос – со шуд. Соосын ӵош асьмеос но будӥськом, воштӥськиськом. Школаын но, дышетскон юртъёсын но, табере ини ужан интыосысенызы но соос сярысь умоесь кылъёсты гинэ кылӥськом. Хозяйствомы бадӟым бере, пичиысен ужаса будӥзы, котьку ог-огзылы юрттыса улӥзы. Вуоноын но ӵыжы-выжы кусыпъёссы медаз сӧриське, – шуэ трос нылпиё анай.

Дунне вылын пӧртэм семьяос луо. Кудъёсыз шаерлэн, ёрослэн историяз пырыса кылё. Терентьевъёслэн семьязы но сыӵеос пӧлысь. Соос ог-огзы сярысь сюлмаськыса, ог-огзэсты утьыса уло, ёросмылэн историяз адӟем карымон улонэнызы, тыршыса ужаменызы ас интызэс тодмосто.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: гурт удыс