«Азьлане» газетлэн лыдӟисез Тол Бабайлэсь валтӥсь кузьымзэ утӥз

Выль ар азьын лыдӟисьёсмы понна конкурс ялэмын вал. Почта ёзэтъёс пыр «Хезмэт» но «Азьлане» газетъёслы 6 толэзьлы гожтӥськисьёс пӧлын Тол Бабаймылэсь кузьымъёссэ шудытӥмы.

Кӧснуналэ (вторнике), конкурслы йылпумъян лэсьтыса, кузьымъёсты утӥсьёс меӵак эфирын шараямын вал. 

Ваньзэ кутэмын вал 134 квитанция. Тужгес уно пыриськисьёс Балтась посёлокысь луизы — 42 мурт, Нурмаысь — 8, Соснаысь — 5, Карелиноысь — 4, Салаусьысь — 4, Тюнтерысь — 4, Чапшарысь — 4, Ципьяысь — 4, Килиысь — 4 но мукетъёсыз.

Нырысь ми вить кузьым шудытыны малпаськомы вал, но пыриськисьёс уно луэмысь, кузьымъёслэсь лыдзэс дасозь будэтӥмы.

Та конкурслы кузьымъёсын юрттэм нимаз ужбергатӥсьёслы Гульсум Миннебаевалы но Расима Сагитовалы туж бадӟым тау кариськом.

Тужгес шумпотымонэз, валтӥсь кузьымез — портативной колонкаез — «Азьлане» газетлэн лыдӟисез утӥз. Шуд усиз Вуж Турья гуртысь Андрей Шишкинлы. Сюлмысь ӟечкыласьком лыдӟисьмес! Воргорон тырше сварщик луыса ёросысь одӥгаз азинлыко ужась огазеяськонын — «Мелиораторын». Та огазеяськонлэсь ужъёссэ газет бамъёсамы югдытыкумы, Андрейлэн нимыз котьку ушъямон ужасьёс пӧлын луэ, азьланяз но озьы ик мед луоз, азинлыко ужаны мед кылдоз!

Мукет вормисьёс пӧлы Наиль Набиев, Нурия Галимова, Азат Гарифуллин, Миляуша Гилязева шедизы. Рамиль Халиуллин, Габлельфаиз Газизов, Ринат Ибрагимов, Гульчачак Самигуллина но Халиль Гарифзянов тортъёсты утӥзы.

Кузьым утӥсьёсты сюлмысен ӟечкыласьком, азьпалан но ёрос газетъёсынымы уд люкиське но мукет ортчытоно конкурсъёсамы пыриськоды шуыса оскиськом.