Хезмәт

Династилэн азьланьтӥсез — Антонида Григорьевна Шляпкина

Антонида Шляпкина — Александра Фёдоровналэн Григорий агаезлэн нылыз. Со но Шляпкинъёслэн выжыысьтызы дышетӥсьёслэсь династизэс азьланьтӥсь дышетӥсь.

Антонида вордскемын 16 июне 1929 арын Мари-Турек ёросысь Сизнер гуртын. Солэн пичи дырыз тупа сютэм 30-тӥ аръёслы. «Кулаклэн» нылыз луэмысьтыз, Антонидаез покчиёзо школае дышетскыны басьтэмзы потымтэ. Александра Фёдоровналэн юрттэменыз гинэ сое Сизнер гуртысь покчиёзо школае дышетскыны басьто. 1942 арын, атаез кулэм бере, егит ныллы анаезлы юрттон понна колхозын но ужаны тупа. Жугиськон йылпумъяськем бере, 1945 арын, Антонида Марийской АССР-ысь Мари-Биляморысь педагогикая училищее дышетскыны пырыны быгатэ. 1948 арын дышетсконзэ йылпумъямез бере, егит ӧнерчиез нырысь Сизнер гуртысь, собере Ципья ёросысь Кургем гуртысь покчиёзо школае дышетыны ысто. 1954 арын Антонида Григорьевна Марийской кун университетэ математикая но физикая факультетэ дышетскыны пыре. 1957 арын сое направлениея Балтась ёросысь Шор Кушкет школае математика но физика предметъёсты дышетыны лэзё, нош куинь арскын со Ципья школае математика дышетыны лыктэ. 1961 арын Антонида Григорьевнаез дышетон ласянь завуч карыса тодмосто. Но та школаын кема ужаны солы кылдымтэ: 1970 арын со семьяеныз Ѓаны Починкае (Карлыганэ) улыны выже. Карлыганын но Антонида Григорьевна математикаез дышетэ. Кузпалэныз Геннадий Ильич Ильинэн соос кык нылпи будэто — Николай пизэс но Светлана нылзэс. 1981-тӥ арын Антонида Григорьевна дано шутэтсконэ потэ.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: