Ӟеч лу, тол! Ӟечбур, тулыс! (3-тӥ люкет)

Таяз учыре радъям праздниклэн одӥгез аспӧртэмлыкез луиз чеберъям вал. Эшшо кыӵе вал, шуэ тӥ! Зэмос вал поттыны луонлык кылдымтэен, визьмоос амал шедьтӥллям — мотоблоклэсь вал пӧрмытӥллям. Туж усто пӧрмем, шуыны кулэ. Со «вал» праздникез зэмзэ но чебертӥз. Со сяна, шулдыръяськонэ люкаськем адямиос пӧртэм шудонъёсын но вожвылъяськонъёсын мылкыдзэс ӝутӥзы — пу вандӥзы, гынсапег куязы, ледянкаен бызьылӥзы, горшок пыргытӥзы, пиналъёс футбол шудӥзы но мукет. Ческыт табанен но чаен кунояськизы, мызган сьӧры кырӟаса, ӟуч но удмурт эктонъёсты быдэстӥзы, умой куазь но удалтэм урожай сӥзьыса, Вӧйдырлэсь символзэ — куро мунёез ӝуатӥзы.