Геройлэн батырлыкез ноку уз вуны

Арлы быдэ толшоре Ӟаны шоръёзо школаын Россиысь Геройлы Олег Исаевлы сӥзем сӥё-дано ужрадъёс ортчо: торжественной митинг, спортъя ӵошатсконъёс…  Туэ но школаын сыӵе ужрад ортчиз.

Ужрадэ котьку сямен пыриськизы геройлэн анай-атаез Николай Степанович но Вера Петровна, ёрос кивалтэтысь представительёс но мукет куноос. Та нуналэ трос шуныт кылъёс верамын вал школалэн администрациезлы таӵе ужрадъёсты арысь аре ортчытэмез, чебер сямлы пӧрмытэмез понна но Геройлэн анай-атаезлы батыр сюлэмо пи будэтыны быгатэмзы понна.

Олег Николаевичлы сӥзьыса, школаын сӥё-дано митинг ортчытӥзы, мемориальной пул доры сяська понӥзы. Со сяна, майор Исаевез буре ваёнлы спортъя ужрадъёс но сӥземын вал — волейболэн шудон но куасэн бызьылон. Нялтас вераса, волейболэн шудӥзы нылъёслэн но пиослэн командаоссы (дышетскисьёс дышетӥсьёслы пумит). Дышетскись нылъёслэн но, пиослэн но командаоссы дышетӥсьёссэс вормизы. Нош куасэн бызьылонъя йылпумъянъёс таӵеесь. Покчи классъёсын дышетскись пиос пӧлын 1-тӥ луиз Михайлов Арсений, 2-тӥ — Прокопьев Кирилл, 3-тӥ — Григорьев Роман. Покчи классъёсын дышетскись нылъёс пӧлын 1-тӥ интыен пусйиськиз Гафетдинова Рузия, 2-тӥ — Шишкина Диана, 3-тӥ — Григорьева Елизавета. 5-7 классъёсын дышетскись пиос пӧлын 1-тӥ инты басьтӥз Евдокимов Яков, 2-тӥ — Яковлев Денис, 3-тӥ — Троцианский Данил. 5-7 классъёсын дышетскись нылъёс пӧлын 1-тӥ луиз Федотова Ульяна, 2-тӥ — Апакова Лиана, 3-тӥ — Корнилова Милана. 8-11 классъёсын дышетскись пиос пӧлын 1-тӥ Хакимзянов Разиль, 2-тӥ — Исаев Константин, 3-тӥ — Евдокимов Филипп. 8-11 классъёсын дышетскись нылъёс пӧлын 1-тӥ интыын Кешишева Юлиана, 2-тӥ — Кешишева Ангелина, 3-тӥ — Иванова Арина. Нылпиосты грамотаосын но школаын нимысьтыз та ӵошатсконъёсы пыриськем нылпиос понна лэсьтэм медальёсын пусйизы.

Героез уг вунэто. Балтась ёрослэн главаезлэн косэмезъя, Вуж Кушкет гуртэ пырон азьын «Вуж Кушкет — Россиысь Геройлэн Олег Исаевлэн вордскем гуртэз», нош вордскем юртэзлэн фасадаз «Та юртын Россиысь Герой Олег Исаев вордскиз но будӥз» нимпул (вывеска) лэсьтэмын. Ӟаны школае пырон азьын кык мемориальной пул интыямын, одӥгез Афганистанын но Чечняын военной действиосы пыриськем воргоронъёслэн нимынызы, нош мукетыз — школалэн коллективезлэн нимыныз. ОБЖ-я кабинетын, школаысь шаертодонъя музейын, Героез буе вайыса, стендъёс лэсьтэмын. Ӟаны гуртысь выль урамлы Олег Исаевлэн нимез сётэмын. 2013-тӥ арын Балтасьысь «Батыръёслэн аллеязы» паркын Героймылэн бюстэз интыямын. Со арын ик Арчаысь педагогической колледжын мемориальной пул понэмын (отын Олег Исаев покчи классъёсты дышетӥсьлэсь но пионер-вожатойлэсь ӧнерзэ басьтӥз), Саба ёросысь Иштуган шоръёзо школаын Олег Николаевичлы сӥзем сэрег вань, та школаысь ик юнармейской отряд Геройлэсь нимзэ нуллэ. 2015-тӥ арын В.П. Чкалов нимо Борисоглебской вылӥ военной авиационной училище вӧзысь синпель борддорын бырем Героез пырак азелы вунэтонтэм каризы — нимзэ увековечить каризы. 2018-тӥ арын Балтасьысь Атаймузъемез утись ожгарчиослэн парказы стелла интыямын…

Тынад лэсьтэм ӟеч ужед будӥсь поколение понна пыраклы батырлыклэн адӟем карымон примерез луыса кылёз, Герой.

Вань туспуктэмъёс татын: https://vk.com/album-206255182_290909937