Капчи но шулдыр мылкыд басьтӥз котькудӥз
Гурт калык дышемын Выль арез маскарадэн пумитаны. Котькуд аре сямен ик, Сизнер гуртын туэ но 31-тӥ толсуре выль ар пӧртмаськон луиз.
Кинэз но ӧй вал отын: пӧйшуръёс но, гурт пудо-животъёс но, удмурт «апайёс» но, шуныт шаерысь куноос но… Соос чебер вож кыз котыртӥ кырӟазы-эктӥзы, шудӥзы-маскаръяськизы, кузьымъёс утӥзы. Котьку сямен гурт калыкез ӟечкыланы вуылӥзы «Смаиль» обществолэн кивалтӥсез Ильгам Шакиров но Смаиль гурт поселенилэн главаез Рифнур Юсупов. Соос ӟечкылазы сизнеръёсыз Выль арен, тау каризы ар ӵоже тыршыса ужамзы понна. Шулдыръяськон йылпумъяськиз лотерея билетъёсты шудытонэн. Билет басьтэм котькуд мурт кузьым утӥз. Огъя вераса, нокин но буш ӧз кошкы со нуналэ гурт клубысь – капчи но шулдыр мылкыд басьтӥз котькудӥз маскарадэ пыриськем мурт – пӧртмаськисез но, учкисез но.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев