Хезмәт

«Кенешчиос» кенешизы (фото)

27-тӥ толшоре Балтась культура центре Балтась ёросысь удмуртъёслэн «Кенеш» НКА-зылэн Правлениезлэн членъёсыз люкаськизы.

Ужрадэ озьы ик культура удысын ужасьёс, районысь удмурт кылъя дышетӥсьёслэн методобъединенизылэн кивалтӥсьсы но район газетысь представитель пыриськизы. Люкаськонлэн валтӥсь ужпумез вал ёросысь «Кенеш» НКА-лэн юбилеезлы сӥзем сиё-дано ужрадэз ортчытон сярысь кенешон.

Кызьы ивортӥськеммы вал ини, туэ тулыспаллэн пумаз «Кенеш» НКА-лы 25 ар тырме. Валамон, та юбилеез кулэ уровеньын ортчытон понна туж трос ужано луоз. Соин ик пуктэм ужпумъёсты быдэсъяны туннэ нуналысен ик, саесъёсмес пужалляса ик кутскыны кулэ. Со ужрадлы ик сӥземын районысь удмурт клубъёс но культура юртъёс куспын ортчытӥськись «Шулдыр ӝыт» конкурс но. Гала-концерт ӵапак та сӥё-дано юбилеез пусъёнлы чакламын.

Озьы ик, «Кенеш» НКА-лэн тӧроез, Леонид Дмитриевич Сапожников, люкаськем адямиосты 2017-тӥ арын НКА-лэн ортчытыны чаклам ужрадъёсыныз но тодматӥз, планзэ ӵектӥз. Кылсярысь, удмурт этнокультурной компонентэн школаос пӧлын но «Мудорвай» конкурсэз ортчытон сярысь кылпум потӥз.

Со сяна, люкаськонын сюлэмшугъяськытӥсь ужпумъёс но эскериськизы. Одӥгез сыӵе ужпум герӟаськемын Вуж Кушкет гуртысь клубен. Утёд ке, Кушкетын клубзы ӧвӧл. Сое сэрттӥллям. Вужез интые выльзэ, пе, лэсьтозы…50 мурт тэрымон…Юан кылдэ: кулэ-а со кушкетъёслы? Кинъёс понна гинэ со чакламын? Туала улонлэн куронъёсызлы тупась клуб луоз-а со? Отчы гурт калык гинэ но уз тэры ук. Мазэ веранэз, мукет гуртъёсысь лыктэмъёс сярысь. Сыӵе малпанэ вуизы «Кенеш»-лэн люкаськоназ пыриськем адямиос.

Теги: 250
Нравится
Поделиться:
Реклама
Комментарии (0)
Осталось символов: