«Кирпич завод милемлы туж матын», — шуо соос

 Ушма кирпич заводын тани ки кужым тужгес дунъяське. 2000-тӥ аръёсозь та организацилэсь продукцизэ басьтон понна ӵукна час ньыльысен ик лыктыса султо ке вал, туннэ нуналэ сыӵе ажиотаж ӧвӧл ни, рынок кусыпъёсын сыӵе кулэяськон но ӧвӧл. Озьы ке но завод каллен ужа, аслаз басьяськисьёсыз ӧжыт ке но вань. Гужем та организацилэн валтӥсь юрттӥсьёссы нылпиос луо — соос гурысь потэм, ӝуатэм кирпичъёсты  нуыса кошкон понна дасяло. Тани туэ но 17 нылъёс но пиос татчы гужемлы уже интыяськиллям. Соос пӧлысь тросэз Покчи Лӧзя школаысь но, Балтась школаысь но, гимназиысь но нылпиос вань татын. Пиос пӧлын кык муспотон нылашъёслэн ужамзы паймымон кадь потӥз ке но, соос ини татын «стажен» ужасьёс луо вылэм. Медициная колледжлэсь кыкетӥ курссэ йылпумъям Людмила Кузьмина татын витетӥ гужемзэ ужа ке, Ветеринарияя Академилэсь нырысетӥ курссэ йылпумъям Кристина Егорова заводын ньыль ар ужа. «Та заводлы ми дышимы ини, татын митэк уз луы кадь потэ», — шуо нылъёс. Лэсьтӥськисьёслэсь нуналзэс тодӥськоды-а шуэм юанлы но оскымон ответ сётӥзы, али «кирпичтэк лэсьтӥськон ӧвӧл» шуыса но ватсазы. Нош ми ас черодамы соослы дышетсконазы но ужазы бадӟым вормонъёс сӥзиськом!

Туспуктэмын: Вячеслав Ядыков, Денис Антонов, Максим Макаров, Роман Григорьев, Людмила Кузьмина, Кристина Егорова, Станислав Ишмурзин, Владислав Сидоров).