Хезмәт

Конкурслы йылпумъян (фото)

Южтолэзьлэн кутсконаз район газет ялэм вал школаын дышетскись нылпиос понна нимысьтыз конкурс.

Соос кулэ вал гожтыны умой дышетскись эшсы сярысь чебер статья. Жаляса верано, конкурсамы пыриськыны мылкыд карисьёс трос ӧз шеде. Соин но котькудӥз лэзем уж ми понна туж дуно луиз. Шумпотыса ивортӥськомы вормисьёсты. Тани соос: Ильмурзина Яна, Исаева Диана но Петрова Алина. Та визьмо нылашъёс куиньназы но Шор Кушкет шоръёзо школаын тодон-валан басьто. Эшшо одӥгез вормисьмы Ципья шоръёзо школаысь - 3-тӥ классын дышетскись Тихонов Виталий. Пияш интервью амалэн гожтэм статьяеныз шумпоттӥз.

Вормисьёс район газетлэн нимыныз сётэм Грамотаен но синпель кузьымен пусйиськизы.

Улоназы шудбур, дышетсконазы азинсконъёс сӥзьыса, эшшо огпол вормисьёсты ӟечкыласьком. Оскиськом, азьланяз но соос милемыз но, лыдӟисьёсты но чебер гожъямъёсынызы шумпоттозы шуыса.

Теги: 250
Нравится
Поделиться:
Реклама
Комментарии (0)
Осталось символов: