Хезмәт

Котькинлы дуно аслаз вордӥськем музъемез, анай- атаез, вордскем кылыз

Тыныд, газетэз лыдӟись, ӵектӥсько кӧня ке кылбуръёсме. Одӥг ке но адями соосты матын карыса лыдӟиз ке, мон понна со шумпотон ини.

Туэ арез асьме элькунмы «Вордскем кылъёслэн арез» шуыса ялӥз. Школаосын сяна гурт калыклы тодмо меда та? Тросэз уг но тодо, луоз, тодӥзы ке но, малы кулэ ини со удмурт кыл, шуо. Таӵе кылъёс сюлэмме вӧсь каро но, сюлмаськыто но: мар вите меда асьмеды азьланяз? Уз-а быры удмурт кылмы? Сюлмысь потэм кылбур чуръёсам но та проблемаосты  ӝутӥсько но малпанъёсме кагазэ гожтыса кельтӥсько.

Анае, аныкае!

Анае, аныкае! Тон ми понна —

Инмын пиштӥсь кизили.   

Нылпиосыдлэн улоназ

Со кизили — сюресчи.

Шундыен ӵошатысал мон

Визьбуро аныкайме.

Музъеме вуэ ӟардон     

Адӟисько кадь анайме.  

Улон сюресэд, анай, 

Шагырес вал но секыт.

Нош сюлмыд тынад, анай,

Зарни вал но туж небыт.

Сизьым нылпи будэтӥд

Шудо луид оло ӧд!

Нылпиосыд уждэ азьланьто

Со луэ, дыр, ни — шуд!

Пумтэм тау тыныд, анай,

Улон сётэмед понна.

Та улонэз ортчыны

Визь-кенеш сётэм понна.

15.11.2017 ар

Мон удмурт кышномурт

Вордӥськи мон удмуртэн,

Вераськи анай кылын.

Нырысь кылы но «анай» вал, дыр,

Мусо удмурт кылын сое верай.

Школаын дышетски.

Анай кылме мон яратӥ.

Эшъёсыным шудон дорын

Удмурт кылын мон бӧтьыртӥ.

Кыӵе чебер асьме кылмы!

Вань кадь отын уӵы чирдэм куара,

Вань ошмеслэн жильыртэмез.

Калыкелэн шулдыр гурен но кырӟамез.

Удмурт гурез арган но туж вала.

Кырӟакуз но, эктыкуз но со гурла.

Ваньмызлэсь мылкыдзэ со бугыртэ.

Шулдыр гинэ со кырӟатэ но эктытэ.

Тани удмурт дӥсьме мон но дӥсяй.

Арган ӧте ук шулдыръяськыны.

Шулдыр кырӟан улсын «айкай»,

«Апай сямен» пото, ай, эктыны.

Тӥ кырӟалэ, эшъёс, апай сямен.

Мед кылозы ваньзы та кырӟанмес.

Арганчи шудэ «апай сямен».

Ум жалялэ эктыкумы ми пыдъёсмес.

Кыӵе шулдыр ук эктыны удмурт гуръя!

Вань калыклэсь со мылкыдзэ бурдъя.

Арган шудэ, шудэ, шудэ…

Удмурт кышномуртэз со эктытэ.

Вукогуртэ мынам

Ёросмылэн одӥг шулдыр сэргаз

Мынам вордскем мусо Вукогуртэ сылэ.

Гуртоослэн котькудӥзлэн сюлмаз,

Солэн мусо тусбуез син азе лыктэ.

Тросэз, ӵошен будэм эшъёс,

Гуртысь кошкемын ни кемалась.

Нош котькудӥз соос, эшъёс,

Туж шумпотыса берто вордскем юртаз.

Пичи дырмес тодэ вайса,

Ӝог вуиськом Бака гурезямы.

Кӧня пинал куара гурлаз

Татын салазкаен нискылаку.

Ыжвӧсян нюкез ке малпаськом,

Милям куараосмы али но чузъясько!..

Тулыс каникулъёс ке вуизы,

Ыж возьманы татчы люкаськылӥм.

Кыӵе шулдыр вал ук со дырмы!

Инбам чагыр, малпан чылкыт.

Быдэс нунал татын шудылӥмы.

Бертыны но отысь уд ӵыд!

Гужем Вукогуртэ тӥ лыктэлэ!

Бадьпу пӧлын чирдӥсь уӵы куара тӥ кылзэлэ!

Сыӵе шулдыр уӵы куараосты

Уд кылэ тӥ, эшъёс, ноку.

Реклама

Гурт калыкмы шулдыръяськиз котьку

Акашкае — Ыжвӧсян нюкын.

Вань адями татчы лыктӥз соку,

Чебер дӥсяськыса шудыны но эктыны.

Курегпузэн шудон шулдыр гурла,

Эктӥсь — эктэ, кырӟась — кырӟа.

Нокин та праздникмес ӧз курла.

Бертӥзы шулдыр гинэ кырӟаса.

Гуртоосмы ӵошен шулдыръяськизы но ужазы.

Ог-огзылы юрттыны но дыртӥзы.

Секыт ужъёс ӵошен ужаллязы.

Ӵошен озьы ик шулдыръяськизы.

Вань Вукогуртын пичи шурмы,

Бельнюкысен ӧрзэ вае со дорамы.

Али но со шурмес тодэ вайса,

Пичи чорыгъёсты кутысалмы.

Макем шулдыр милям Вукогуртмы!

Чебер коркаосын со выльмемын.

Мед шулдыртоз дуно гурт калыкмы,

Данъяськыса шулдыр кырӟанъёсын.

Медаз кысы солэн югыт тылэз.

Мӧзмись сюлэмъёсты со мед кыскоз!

Котькудмылы ведь котьку дуноез

Мусо сэрег — кытын со вордскемын.

1.12.2020 ар.

Анай кылмы

Мынам сюлмы небӟе,

Куке анай кылын вераськисько.

Удмурт кылмы оло лябӟе,

Куке тросэз солэсь ни куштӥсько?

«Малы кулэ удмурт кылмы,

Кытын сое кутод?»

Та юанэз туннэ кылод,

Эше, отысь яке татысь.

Нош мон понна анай кылын

Вань кадь няньлэн шӧмыз.

Мусо, яратоно анаймылэн

Пичи дыръям вешам ки бервылыз!

Маин бен мон воштом анай кылме?

Отын вордскем гуртлэн но крезьгурез,

Пинал дырысь эшъёсылэн тусбуйёссы,

Чебер инкуазьмылэн мусо куараосыз.

Мынам пичи дырам ваньмаз Удмурт шӧм вал.

Ваньмы анай кылын бӧтьыртӥмы.

Медаз быры чебер удмурт кылмы!

Дауръёсын сое котьку мед кыломы!

5.02 2021 ар

Анай котьку сюлмам

Мусо анайлэсь тусбуйзэ

Весь син азям возисько.

Солэсь небыт куаразэ

Али но кадь кылӥсько.

Сизьым нылпизэ киосыз вешазы.

Уйёссэ изьытэк но потэм со, луоз.

Нокудмес люкытэк мусояз, яратӥз,

Аслэсьтыз люкетсэ но куддыр люкылӥз.

Тон, милям анаймы,

Весь сюлмам улӥськод.

Визь-кенеш сётэмед но

Али пель сьӧрам.

Анайлэсь мусоез дуннеын ӧвӧл, дыр,

Мӧзмытэ со монэ али но куддыр.

Витисько мон али но мусо вешамзэ,

Кылӥсько кадь али но солэсь кенешсэ.

Малы тон, улон,

Вакчи дыр сётӥськод?

Шулдыр улонлэсь

Анаймес люкиськод?

Со пичи дырысен шуг-секыт адӟылэм,

Анайтэк, атайтэк мурт дорын со будэм.

Бӧрдыса вералоз вал: ужысь бертыса,

Нош уже кошкылӥ ву гинэ юыса.

Сютэмез но ортчем, курадӟон но адӟем.

Э, Инмаре, малы меда со

Туж вазь ми пӧлысь кошкем?

Шонер ӧвӧл ук со!!!

 

6.02.2021 ар

Екатерина Иванова

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: