Хезмәт

Балтач районы

18+
2024 - Гаилә елы
Азьлане

«Котькудӥз татын ужась — нимысьтыз газетэ гожтымон»

Тазьы веразы ужасьёссы сярысь Дмитрий Николаевич но Эдуард Николаевич. — Кылсярысь, Копаров Василий нырысетӥ нуналысеныз ужа ини. Садаков Александр но 2009-тӥ арысен апрель толэзьысен татын тырше, — шуо воргоронъёс. 

Водительёс — Копаров Василий, Хакимзянов Ислам, Михайлов Александр, Садаков Александр — ваньзы 2009-тӥ арысен ужало. Закиров Алмаз — 2013-тӥ арысен. Ньыль пожарнойёс вань — соос пӧлысь 2009-тӥ арысен одӥгез но уг ужа, малы ке шуоно вакансиос усьтӥллям 2012 арысен гинэ, со дырозь одӥг пожарнойлы гинэ штат луэм — Лотфуллин Кафиль (Сардык гуртысь) тыршем. Нырысетӥ ужасьёс али татын ӧвӧл ини, уволиться кариллям. Туннэ нуналэ мукетъёсыз ужало — Шарипов Фанзиль (Куюк), Мингазов Рузаль (Ципья), Галиев Ленар (Шишинер). Географизы паськыт. Водительёс но пожарнойёс сяна, кызьы валамы ини, штатын нош кык ужасьсы вань — командир Эдуард Перемечев но кивалтӥсьсы Дмитрий Щербаков.

Ужлы но усто, конкурсъёсы но мыло-кыдо пырисько

Котькудаз машинаын вань спецсредствоос, амуниция, пожарно-технической вооружение (экскурсиен пост кузя ветлыку, тае ачим адӟыны быгатӥ, пожарнойлэсь формазэ дӥсяса туспуктэме усьыны но лэзизы). Ньыль тонна вулы чаклам машина. Со ву тырме вылэм тямыс минутлы. Татын цистернаязы но котьку ву вань. Сое приём–сдача дыръя нуналлы быдэ эскеро, контроль улсын возё. «Тылпу кысон дыръя ву бырыку, вуэз вайыса уло. Колхоз яке коммунальной хозяйство вае вуэз, табере котькуд гуртын гидрантъёс но вань шуымон. Гидрант сярысь нимысьтыз вераме потэ. Организация 2009-тӥ арысен ужаны кутскиз ке, 2012-тӥ арозь огъя ньыль наземной гидрант гинэ вал, нош табере милям ужано дас сизьым гуртын 100 гидрант лыдъяське ини, — валэктэ Эдуард Перемечев. — Арлы быдэ гурт поселение, коммунальной хозяйствое, прокуратурае лэзиськом информация, кыӵе гуртын ву ӧвӧл, собере соос та ужпумъя ужало. Ини 100 гидрант лэсьтӥськиз. Валтӥсь ужмы — профилактика, — шуиз но ужан нуналлэсь радлыксэ возьматӥсь кагаззэс киям сётӥз. Со кагазын ваньмыз пыр-поч гожтэмын: ку но кыӵе соослэн занятиоссы, ку караулзы, ку сиськон дырзы…

15 декабрьысен 10 январёзь ужасьёслэн арлы быдэ каникулзы луэ вылэм — занятиос та дыре уг ортчо. Мукет дыръя котькуд смена расписания занятиосты ортчытъя. Гожъяло конспект. Занятиосты ортчытэ я командир Эдуард, я кивалтӥсь Дмитрий. Сыӵе занятиос, шумотэ но ӟучарняе сяна, нуналлы быдэ ортчо вылэм. Физподготовка, тазалыкез утён ласянь но трос нормативъёсты сдавать каро.

Татын ужасьёслэн верамзыя, чурыт график но трос куронъёс шоры учкытэк,  котькуд ужлы дышыны луэ. Ужаса, опыт люкаса дӥсьтонлык выллем ӟечлыкъёс но кылдыны быгато вылэм.  Но татчы ужаны пырыны секыт. Со понна адями одно ик армие мынэмын луыны кулэ. Саба отрядэ пырись постъёсын огъя 200 мында адями. Ваньзы соос арлы быдэ медосмотр ортчо. Кинлэн синмыз лябгес луэ, кинлэн — сюлмыз. Тазалыксы ласянь ужзылэсь палэнсконо луо сыӵеос.

— Абдуллин Нияз вал ёзэтлэн командирез, со ньыль ар ужаз. Туж визьмо но тыршись пи, но тазалыкезъя кошкиз. Хакимов Альфис ужаз вить ар пожарной луыса. Кугунурысь пиосмурт Гафиуллин Айрат ужаз вить ар, Габдулла Ганиев кӧня ке дыр ӵоже тыршиз, Салават Хакимуллин но. Самой кема ужасьёслэн одӥгез — Мингазов Радик агай вал. Со ӝутӥз та постэз, — азьланьто веранзэс Дмитрий но Эдуард. — Арлы быдэ постъёс куспын ӵошатсконъёс луо. Ӵем призо интыос басьтӥськомы.

Пӧртэм конкурсъёсы мыло-кыдо пыриськемзэс но призо интыосты басьтэмзэс кабинетазы интыям стендысь трос лыдъем грамотаоссы возьмато.

Активно уло татын ужасьёс. Уж ласянь ӝожтӥськыны сьӧлык луоз. Вань поощрениоссы но. Котькуд кварталэ эскерон луэ, Сабаысен лыкто, нуназе но уйин эскеронъёс ортчыто.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: ципья спасательёс