Кылбуръёс

АТАЕ СЯРЫСЬ КЫРӞАН

Мон уг тОдскы, кытын тон, атай, ватэмын
Яратон вордӥськем юртэдлэсь кыдёкын.
Тӧдь кызьпу но уз вЫрты вайзэ тон вадьсын,
Курытэсь турынъёс ӝужамын ни отын.

Со ньыльдон витетӥ ар вормон тулысэ
Витимы ми тонэ корказе потыса....
Соин ӵош ке тӥ вал, ожмаськем солдатъёс,
Ӧжытак ке но вЕралэ вал со сярысь!

Та югыт дуннеын трос ӧз Улы ке но ,
Пумозяз зэмлыкез яратӥз, тодӥсько.
Яратон атае кадь потэ луэме,
Атае кадь потэ ярамон луэме! (Берыктӥз Ник.В.П.)

ШИНЕЛЬ

- Тон малы шинельдэ утиськод? -
Юасько одӥг пол атайлэсь. -
Кесяны, сутыны жаляськод? -
Юасько одӥг пол атайлэсь.-

-Со ини вужмемын, дэриесь,
Учкы ай со шоры умойгес,
Тыбыраз мабыдӟа усьтоез,
Учкы ай со шоры умойгес!

- Бен соин мон сое утисько, -
Атае валэктэ ни мыным,-
Сутытэк, кесятэк возисько, -
Атае валэктэ ни мыным.-

Кӧня ар ӵапак та шинелен
Тушмонлэн пумитаз ветлӥмы,
Тушмонэз пумозяз вормимы,
Тӥнь соин туж дуно со мыным! (берыктӥз Ник.В.П.)