«Кылысь буёлэ» конкурс туэ но ортчиз

Ужрадэ Балтась ёросысь удмурт этнокультурной компонентэн школаос пыриськизы. Со Покчи Лӧзя, Шор Кушкет, Ципья шоръёзо школаос но Вылын Ушма но Ярак-Чурма школа-нылпи садъёс.

Конкурслэн йылпумъянъёсыз таӵеесь луизы. 3-4-тӥ классъёс пӧлын нырысетӥ интыын Ксения Борисова (Покчи Лӧзя шоръёзо школа, 4 класс), кыкетӥ интыын – Филипп Филипов (Покчи Лӧзя шоръёзо школа, 3 класс), куинетӥ интыын – Елизавета Емельянова (Ярак-Чурма школа-нылпи сад, 4 класс). 5-7-тӥ классъёс пӧлын нырысетӥ интые потӥз Елена Антонова (Покчи Лӧзя шоръёзо школа, 5 класс), кыкетӥ интыын Виктория Петрова (Покчи Лӧзя шоръёзо школа, 6 класс), куинетӥ интыын Ксения Щербакова (Ципья шоръёзо школа, 5 класс) но Вероника Исаева (Шор Кушкет шоръёзо школа, 7 класс). 8-11 классъёс пӧлын нырысетӥ луиз Елена Исаева (Шор Кушкет шоръёзо школа, 10 класс), кыкетӥ интыез куспазы люкизы Алеся Чернова (Ципья шоръёзо школа, 8 класс) но Вилиана Петрова (Покчи Лӧзя шоръёзо школа, 8 класс), куинетӥ интыын Александра Козлова (Покчи Лӧзя шоръёзо школа, 9 класс) но Ксения Шишкина (Ципья шоръёзо школа, 8 класс).

Со сяна, кӧня ке номинациосъя но вормисьёсты пусйизы. Кылсярысь, «Устолык но темаез тыр возьматыны быгатэм понна» номинациын пусйиськиз Ирина Виссарионова (Ципья шоръёзо школаысь 3-тӥ классын дышетскись). «Творческой фантазия но аспӧртэмлыко быдэстон» номинациын 3-4-тӥ классъёсын дышетскисьёс пӧлын нырысетӥ луиз Амалия Шестакова (Шор Кушкет шоръёзо школа, 3 класс), кыкетӥ – Аделина Ишмурзина (Вылын Ушма школа-нылпи сад, 4 класс), куинетӥ луиз Варвара Яковлева (Ципья шоръёзо школа, 4 класс). 5-7-тӥ классъёс пӧлын та номинациын пусйиськиз Кирилл Папаев (Шор Кушкет шоръёзо школа, 6 класс), нош 8-11 классъёс пӧлын – Константин Макаров (Шор Кушкет шоръёзо школа, 9 класс).