Кызьы ортчизы «Шошма моннары» фестивальлэн концертэз но проектлэн йылпумъянъёсыз

Концерт программа

Котькуд ужрадлэн шулдырлыкез — концерт но юмшан дыр. Отын шӧдӥське сюлэм, адӟиське тыршон но пальышась ымныръёс калыклэсь мылкыдзэс либато.

Семьялэн арез луыса Сырья гуртысь Плотниковъёслэн бадӟым семьязы нимысьтыз пуштросо выступлениен паймытӥз.

Синмаськымон вашкала кубызлэн гуръёсыз нокинэ но мылкыдтэм ӧз кельты, луоз. Сыӵе со зэмос крезьгур тӥрлыклэн кужымез — гуръёс пыр со либатыны но нуныяны быгатэ.

Котькуд выступление аспӧртэмлыко луиз. Пинал-а со, пересь-а — ваньзы шумпотыса асьсэлэсь самой «ческыт» палъёссэ возьматӥзы, соин татын кинэ ке умойтэм шуыны кыл ик уг берытскы. Гуртысь адями кышкатэк сцена вылэ потӥз — та ачиз ини туж бадӟым вормон.

Озьы ик татын «Тугэрэк уен» («Котырес шудон») бигер фольклор фестивальысь самодеятельной коллективъёсты но адӟыны луиз. Киров, Тюмень, Челябинск но Курган улосъёсысь кизилиос Татарстанысь ёросъёсын пумиськизы. Балтась ёросмы но соосты шумпотыса пумитаз. 

Йылпумъянъёс
Вожвылъяськон — со самой устоосыз пӧлысь самой устозэ быръён. Тае нокызьы но воштыны уз луы. Со понна ик кылдытӥсько пӧртэм проектъёс, конкурсъёс. Котькуд адями кыӵе ке ваньбурлы кыстӥське. Кин ке понна йылпумъянъёс шонер ӧз луэ, дыр, кинлэн ке тыршемез юнме потӥз, дыр. Но котькуд пыриськись — нимысьтыз герой, кудӥз ӧз кышка ёрос калык азьын аслэсьтыз улонзэ возьматыны. Сыӵе калык нокытын но уз ышы, ёросмы но кужмо луыса, азьлань вамыштыны быгатоз. 

Калык нуэ улонэз! Кыӵе гинэ выль технологиос уг вордӥсько, кызьы гинэ улон уг воштӥськы, адями котьку мерлыклэн самой бадӟым узырлыкез луоз. 

Вань гурт поселениослы, соослэн главаоссылы, котькуд пыриськисьлы бадӟым тау шуыны кулэ сюлмысь тыршемзы но ас улон интыысь лулчеберетэнызы но киуженызы тодматэмзы понна. Тӥ — ёросмылэн зэмос марӟанъёсыз! Пуш ӝуась мылкыддэс ноку но медаз кысэ ортчись сильтӧлъёс но кезьыт зоръёс!

«Шошма крезьгуръёс» фестивальлэн вормисьёсыз:
1 инты — Ципья гурт поселение (80000 манетлы сертификатэн но дипломен пусйиськиз);
2 инты — Янгул но Субаш гурт поселениос (быдэн 60000 манетлы сертификатъёсын но дипломъёсын пусйиськизы);
3 инты — Сосна но Нуринер гурт поселениос (быдэн 40000 манетлы сертификатъёсын но дипломъёсын пусйиськизы);
Салаусь, Шор Кушкет, Смаиль, Бурбаш гурт поселениос нимысьтыз номинациын пусйиськыса, быдэн 10000 манетлы сертификатъёсын но дипломъёсын пусйиськизы