Нылъёсмы вормись луизы

Котьку сямен отчы пыриськизы ёрос этапъёсын асьсэды азинлыко возьматэм пиналъёс. Данъяськыса вераны быгатӥськом, удмурт кылъя но литературая элькун масштабен ортчем олимпиадаын туэ но асьмелэн вормисьёсмы но призёръёсмы вань. Шумпотымон, Покчи Лӧзя шоръёзо школаысь 9-тӥ классысь Полина Плотникова но 11-тӥ классысь Анастасия Артемьева вормись луизы, нош Ципья шоръёзо школаысь 9 классысь Елена Александрова но 10 классысь Анна Антонова призо интыосын пусйиськизы. Сюлмысь ӟечкыласьком нылъёсты но соосты та эскеронлы дасям дышетӥсьёсты — Наталия Антоноваез, Ольга Пчельниковаез но Ираида Черноваез. Выль но выль вормонъёс тӥледлы!

Шумпотыны кулэ Ципья шоръёзо школаысь Полина Анеева (дышетӥсез Алина Иванова) понна но, та нылаш пор кылъя но литературая олимпиадалэн вормисез луиз.