Павлова Елена Павловна сярысь

Ципьяысь церковно-приходской школаез йылпумъяса, дышетске Малмыжысь ӟуч школаын.
Куанер крестьян семьяын вордскыса, секыт гурт ужлы дышем нылаш, вазь ик лулысь-сюлмысь пыриське политической движение. 1922 арын пыре ВКП(б)лэн радаз. Ас вакытэзлы туж тупась зӥбыт сямыз юрттэ солы карьерая ӝутскыны. 1923 арын Казаньын партийной кадръёсты дасянъя вакчи дыръем курсъёсты ортче. Кӧня ке дыр ужа Ижевскын. Жоген берытске Казане, ужа Кузон карлэн исполкомаз но Тат- ЦИК-лэн аппаратаз выл должностен кивалтись луыса.
1933, 1935 аръёсы ТАССР-ысь делегатъёсын валче пыриське Москваын орт- чем колхозникъёслэн нырысети но кыкети Всесоюзной съездазы. Со аръёсы матысен тодматске Н.К. Крупскаяен.

Кыче гинэ постъёсын ужаны уг тупа, Елена Павловна котькытын ассэ кужмо, чырмыт валась-быгатись кивалтись карыса возьматэ. Мултэс супыльтисьтэм, зибыт ымныро, еэн жикыт керттэм сьод ку курткаен, галифе чалбарен, хромовой сапеген – пиосмуртъёс полысь висъяны луонтэм дисяськыса ветлэм (оло Надежда Дурова, Антонина Пальшина геройёслэсь адзем карыса?!) – тазьы тодазы ваё сое адземъёс.

Кӧргемысь мойыос тодазы вайыло на солэсь сьод чиль-дол ворекъясь легковой машинаен тузон пурзытыса бертылэмзэ. Со дырозь машина адзылымтэ, паймем нылпиос уллёен итиськыса, сьораз бызьыло вылэм...
1935 арын Елена Павловаез быръё ВКП(б)- лэн Тюлячи райкомезлы нырысети секретаре. Огдышем сямен, татын но, пужалляськыса, пась кыт вамышъёсын ужаны кутске.
Только кема ужаны кылдымтэ ни. 1937 арын юри янгыше уськытыса, сое арестовать каро. Со арын ик, калык тушмон чотэ пыртыса, ыбо.

1959 арын быдэсак реабилитировать каремын.

Василий Никитин, Карек-Серма гурт