Пумиськон ӝыт

Вашкала шудонъёсмы, эктонъёсмы, кырӟанъёсмы пинал поколенилы мед кылёзы шуыса, ӧтемын вал Ципьяысь фотограф, со понна туж бадӟым тау солы. Кыӵе но шудонъёс ӧм шудэлэ, бигерен но, удмуртэн но; кылбуръёс лыдӟимы. Ђытмы пыраклы вунэтонтэм кылиз, люкиськеммы но, бертэммы но уг поты вал. Озьы тӥни куинь гуртысь но арлыдоос ӵошен-ӵошен туж тупаса, шулдыръяськыса улӥськом.

Та пумиськонэ пыриськиз асьме ёросысь ветеранъёслэн тӧрозы Клавдия Яковлевна Караваева. Со туж шуныт кылъёс вераз: таӵе сямъёсты медаз вунэ, азьпалан но таӵе пумиськонъёс мед азинскозы шуиз. Тау тӥледлы, Клава апай, юн тазалык, кузь гумыр, шудбур азьпал улонады. Вань кадь люкаськем куноослэн нимынызы тау кариськом Дургаысь Герман Иванович Шакаевлы. Герман агай трос аръёс ӵоже машинно-тракторной паркын мастер-наладчик луыса ужаз. Аслаз ӧнерезъя зарни киё адями, котькыӵе техникаез но туж усто тодэ. Герман агайёс кузпалэныз Мария апаен куинь нылпи будэтӥзы. Туннэ нуналэ 7 внукъёссы вань. Али дыре Герман агай пиеныз, кенэныз туж тупаса, кельшыса уло, Дурга гуртысь одӥгез адӟем карымон семья луо. Озьы ик туж бадӟым тау кареммес вуттэммы потэ Фирдания но Николай Алексеевъёслы. Гуртъёсамы клубмы ӧвӧл ке но, милемыз нокыӵе шулдыръяськон ужрадъёслэсь но палэнэ уг кельто. Та юн мылкыдо кузпалъёслы сюлмысен тазалык сӥзиськом, азьланяз но матысьёсызлэсь ӟечсэс гинэ адӟыса каньыл, тэгыз улыны мед кылдоз.

Беромыса ке но, эшшо одӥг ужрад сярысь вераммы потэ.

Кылем арын декабрьлэн пумаз Дурга гуртысь пенсионеръёс туж шулдыр концерт возьматӥзы. Клубын одӥг буш инты но ӧй вал. Кытысен но лыктымтэзы вал учкисьёс: Марий Элысен но, Киров улосысь но гуртооссы. Ваньзы но концерт возьматӥсьёс зэмос артистъёс выллем, кырӟаны но эктыны устоесь, кылбур вераны но юмористической сценкаос возьматыны. Кужмо кичабонъёсын ортчизы вань кадь номеръёссы. Та концертэз радъяны  нотуж тыршиз Герман Иванович Шакаев. Та концерт шулдыр ӧй потысал, зэмос задор баянистэз ке ӧй луысал. Нокыӵе ужрад уз пӧрмы, клуб кузёооссы капчи мылкыдо, котьку бур кизэс мычыны дась ӧй ке луысалзы. Вань угось дунне вылын таланто адямиос, котьмалы шумпотыны быгато, котькуд муртлэсь мылкыдзэс ӝутыны. Та кылъёс туж кельшо Николай но Фирдания Алексеевъёслы.

Концертэз туж усто быгатыса нуиз Тамара Михайловна Максимова. Самой мӧйыез соос пӧлын вал Сагдислам Шарафиев. Егит дыръяз но туж усто вал кырӟаны. Али но со талантэз ышымтэ. Соку но ӝытсы вунэтонтэм мед кылёз шуыса, Герман агай Ципьяысь фотографез, Камалов Ильсурез, ӧтем вал. Со туспуктэме но, видеое но уськытӥз. Та зэмос артистъёслы сӥзиськом юн тазалык, капчи мылкыд, кузь гумыр, шудбур, азьпалан но таӵе концертъёсты пуктыны мед быгатозы али.

Кӧргем, Киськем гуртысь куноос

Ильсур Камаловлэн туспуктэмез