Хезмәт

Шуныт мылкыд кузьмазы

Та концерт Шор Кушкет (Ӟаны) школалэн ас кичӧлтэменыз дасям ужрад луэм. Сӥзиллям сое Быдӟым Вормонлэн 75 аръем юбилеезлы.

«Ӟаны школа туж чебер, пуштросо концертэн шумпоттӥз милемды. Огезлэсь огез сюлме пыӵась кырӟанъёс, быгатыса дасям эктонъёс трос шуныт мылкыд кузьмазы, чебересь тодэ ваёнъёс кельтӥзы. Туж усто пӧрмиз. Туж кельшиз. Таӵе мылкыдъёсты бугыртӥсь концерт дасям адямиослы дышетскисьёслы но дышетӥсьёслы — ваньзылы бадӟым тау», — шуо Кушкет гуртысь учкисьёс.

7-тӥ тулыспалэ Вуж Кушкет гуртын ортчем концерт сярысь веран та. Та концерт Шор Кушкет (Ӟаны) школалэн ас кичӧлтэменыз дасям ужрад луэм. Сӥзиллям сое Быдӟым Вормонлэн 75 аръем юбилеезлы. Озьыен, тросэз кырӟанъёс но эктонъёс, кылбур военной тематикаен луиллям.  Шор Кушкет шоръёзо школалэн филиалэз но — Вуж Кушкет покчиёзо школа — палэнэ кыльымтэ, отын тодон-валан но визьнод басьтӥсь пиналъёс сценка возьматӥллям. Дышетскисьёс сяна, учкисьёсты чебер куараеныз шумпоттыса, сцена вылэ потэм на Шор Кушкет школаысь англи кылъя дышетӥсь Юлия Тимофеева но.

Ӟаныослэн та берпуметӥез выступленизы ӧвӧл на вылэм. Соос малпало на концертэн вуыны Турья, Починка гуртъёсы. Нош йылпумъясь концертсэс Ӟаны гуртысь сцена вылын пуктыны чаклало. Та сярысь ивортӥз Шор Кушкет школаысь педагог-организатор Лилия Гаврилова. Азинсконъёс сӥзёмы соослы.

 

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: