Вормисьмы но, призёръёсмы но вань

Удмурт кылъя олимпиадае, Кукмор, Бавлы но Агрыз ёросъёсысь пиналъёсын ӵош, асьме Ципья, Шор Кушкет но Покчи Лӧзя шоръёзо школаосысь район этапын азинсконъёсы вутскем нылпиос но пыриськизы. Шумпотыны быгатӥськомы, элькун олимпиадая асьмелэн вормисьмы но, призёръёсмы но вань. Озьы Ципья шоръёзо школаысь 9-тӥ классын дышетскись Анна Антонова (дышетӥсез Ираида Чернова) бадӟым азинсконэ вутскиз — вормись луиз. Нош Покчи Лӧзя шоръёзо школаын 9-тӥ классын дышетскись Карина Балтасева, Эвелина Петрова (дышетӥсьсы Наталия Антонова), 10 классысь Анастасия Артемьева (дышетӥсез Ольга Пчельникова) но Шор Кушкет школаысь 9-тӥ классын дышетскись Алёна Анисимова (дышетӥсез Римма Петрова) призо интыосын пусйиськизы. Сюлмысь шумпотӥськом но ӟечкыласьком асьсэ тодэм-валамзэс возьматыны быгатэм нылпиосты но, соосты та эскеронлы дасян понна вань тодэмзэс но быгатэмзэс уже кутэм дышетӥсьёссэс но. Азинсконъёс но вормонъёс вуоно арын но сюресчи мед луозы соослы.