Вормисьмы но призёръёсмы вань

Туэез ар но та ласянь ӧз висъяськы.

Озьы туэ 19-21 толсуре Казаньысь «Дуслык» олимпиадной центрын ортчем удмурт кылъя но литературая элькун олимпиадаын Покчи Лӧзя шоръёзо школаысь 10-тӥ классын дышетскись Артемьева Дарья вормись луиз. Нош 9-тӥ классын дышетскисьёс пӧлын Ципья шоръёзо школаысь Наталья Байманова но Покчи Лӧзя школаысь Алина Ефремова, 10-тӥ классын дышетскисьёс пӧлын О.Н. Исаев нимо Шор Кушкет шоръёзо школаысь Евдокимова Ульяна но Покчи Лӧзя школаысь Иванова Полина призёр луизы. Ӟечкыласькомы нылъёсты но соослэсь дышетӥсьёссэс —  О.М. Пчельниковаез, И.А. Черноваез, Р.Н. Петроваез — та вормонъёсынызы! Азинсконъёссы азинлыко мед луозы!