«Вӧйдыр» — лул-сюлэм праздник!
Арлыдо адямиослы ялан уг тупалля пумиськылыны, ог-огенызы сюлмысь вераськыны. Ӵемысь соос ас пушказы кошко, арессы но висёнъёссы сэрен асьсэлы оскемысь дугдо, керӟегъяськись луо.
Соин котькуд социальной ужась психологической тазалыклэсь кулэлыксэ валаны кулэ, эскеремез улсын луись муртлэн мылкыдэз вылын со шӧдӥське шуыса, валаны кулэ.
«Мӧйымон шумпотон гинэ вайыны кулэ», — озьы малпало Балтась КЦСОН «Наз» центрлэн доре лыктыса ужась социальной обслуживание отделенилэн сотрудникъёсыз. Социальной ужасьёс Маргарита Васильева но Ильхамия Сафина Бадӟым Лӧзялэн II-тӥ люкетаз улӥсь арлыдоослы шумпотон сюрприз малпаллям, соослы чылкыт омырын шулдыръяськон ортчытӥллям. Вӧйдыр соос доры вуэм пӧсь табанен, эгыр самоварысь ческыт чаен но мызган улсын быдэстэм кырӟанъёсын. «Коркасьтым потэм сяна, эшъёсыным пумиськем сяна, мон кырӟай но, эктӥ но. Нош кыткем тӧдьы валъёсын ветлыса синвуэ ик потӥз — сокем умой вал!» — вера 81 аресъем Наталия Матвеева.
Та пумиськон ӟечесь тодэ ваёнъёс мед кельтоз, кужым, тазалык но лул-сюлэм каньыллык мед кузьмалоз. Ужрадэз ортчытыны юрттӥзы Маргарита Васильевналэн ӵыжы-выжыосыз — Владимир Филлипов агаез но Нина Григорьева сузэрез.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев