Ымусьтонэн!

Та бадӟым но чылкыт праздник кык сюрс арлэсь кема ини христиан оскисьёслэн сюлэмъёсазы, азьпаллы осконъёсты улӟытыса, шумпотон кузьма, чылкытатӥськыны юрттэ. Азьланяз но со озьы мед луоз. Ымусьтон праздник котькуд юртэ, котькуд семьяе тазалык, шудбур, каньыл улон но азинсконъёс мед ваёз. Праздникен, гажано эшъёс!

Ымусьтон – православнойёслэн огъя праздниксы ке но, нырысь ик со – семья праздник.

Та нуналэ шер гинэ кин ке дораз куное ӧте, но куно дорад вуиз ке – сое бадӟым карыса пумитано, кунояно. Азьло та нуналэ лыктэм кунолы кузьымъёс но сётъяллям. Кузёезлэн дасям кузьымез луымтэ ке, аслэсьтыззэ но сётэ вылэм. Кузьымъёс сярысь верано ке, та нуналэ котьма но сётыны яра – адямилэн аслаз кыӵе мылкыдыз луэ. Туала дыре книгаос, пӧртэм чыртывесьёс но кузьмало, нош вашкала дыре тросаз учыръёсы обросъёс кузьмаллям. Кузьымез адямилы аслыз но сётӥд ке луэ, озьы ик сое кыз улэ но поныны луэ. Огшоры гинэ уг верало, Ымусьтон – семья праздник шуыса. Зэмзэ но, котькудӥз семья та нуналэз матысьёсыныз ортчытыны тырше. Кызьы Ымусьтонэз ортчытӥд – озьы ик аред но ортчоз, пе.