“Гомерлек пионер” – җиңүче!

“Хезмәт” (“Азьлане”) газетасы “Без пионер чакларда” дигән конкурс игълан иткән иде. Элеккеге пионерлардан тормыш мәктәбен чагылдырган бик матур, эчтәлекле, мәгънәле язмалар кабул итеп алдык. Бөтенсоюз пионер оешмасының 96 еллыгы уңаеннан үткәрелгән әлеге конкурста “Гомерлек пионер кем ул?” язмасы белән Норма авылыннан Гѳлназ Фәйзрахманова җиңү яулады. Гөлназ ханымны олуг җиңүе белән котлап, олы рәхмәтебезне ирештерәбез, гомер буе пионер булып, сәламәтлектә яшәү насыйп булсын сезгә.

Бүләкләү чарасын кайчан үтүе хакында алдарак хәбәр итәрбез.