Хезмәт

"Пионерга кердем бүген”

Шулай итеп, гәүдәсенең күп өлеше гипстан торган, диванда ятучы Әмир пионер булды. Ә мин, унике яшьлек мәктәп укучысы, үзем пионерга кергәннән дә болайрак сөенгәнемне хәтерлим.

Пионерия сафына керү мәктәптә уку чорында иң истәлекле  вакыйгаларның  берсе иде. Без гаиләдә ике бала үстек. Энем  Әмирнең пионер булу тарихы үзенчәлекле булды. Андыйлар күп түгелдер. Гадәттә,  пионерга керү җыенда (пионерский сбор) үткәрелә. Барыбыз да тезелеп басып торабыз. Пионер вәгъдәсе бирәбез. Ә  энем урында яткан көйгә пионер булды.    Әлеге язмамда мин  аның   пионер булу тарихын шәрехлисем килә.   

Пионерга өченче сыйныфта  укыганда  кабул ителә идек.  1983 нче елның февраль  ае. Энем өченче сыйныфта укый.  Ике айдан  пионер буласы. Малай  кеше тиктормас, шуграк була.  Энем туганыбыз  Фирдәвес белән авыл каршындагы тауга чаңгы шуарга китте.  Алар китеп күпмедер үтүгә,  кып-кызыл булып, сулышы кабып, Фирдәвес кайтып керде: “Әмирнең аягы  әллә нишләде.  Кирегә  борылып калды.  Тагын бер тапкыр иң текә урыныннан гына төшик тә, кайтабыз, дип менгән идек”,-ди.  Без әни белән агач чана алып, шунда чаптык. Әмирне алып кайттык.  Фельдшер килде, аннан Балтач, аннары Казанның 12 нче номерлы хастаханәсе... Аяк бот төбеннән  үк  сынган булып чыкты. Сөяге дә чәрдәкләнгән. Операция ясап, аягын  тимерләр белән тарттырып, Казанда айдан артык яткырдылар. Март ахыры җитте.  Аннан соң күкрәктән аяк очына хәтле  гипска катырып, өйгә кайтардылар. Кыймылдамыйча өч ай урын өстендә ятарга тиеш булды. Аяк борчуы  өстенә  Әмирнең  уку мәсьәләсе дә өстәлде. Пионерга да керәсе ел!  

Укуы җайланды.  Көндәлек  Габдрахманова Асия  апа өйгә  кереп, дәрес темасын аңлатып  чыгып китә. (Энемнең беренче укытучысы Галимова Миңзифа апа ул елны декретта булу сәбәпле, Асия апа укытты)  

Җайлап пионерга керәсе көннәр якынлашты. Энем пионерга керми калырмы  инде, дип мин дә үземчә борчылып йөрим. (Мин бишенчедә укыйм). Бер көнне Асия апа Әмиргә пионерлар турында шигырьләр биреп, пионерларның  тантаналы вәгъдәсен ятларга кушып китте. Ничек итеп мәктәпкә алып барырлар  инде дип тагын борчылдым. Күкрәккә хәтле гипс. Ятып кына тора.  

Көндез  пионер җыены булды, сыйныфташаларын  пионерлар сафына кабул иттеләр. Ә минем елыйсы килә. Энем өйдә ята бит.  Мин мәктәптән өйгә кайттым. Кайтып аз гына торуга, урамнан быргы, барабан  тавышлары  ишетелде. Әби белән тәрәзәгә күз төшерсәк,  капкадан энемне пионерга кабул итәргә  бер төркем пионерлар,  вожатый Ибраһимова Гөлсинә      апа, сыйныф җитәкчесе Асия апа  килеп керәләр. Берсенең кулында пионер әләме,    тагын  барабанчы, быргычы.  Быргы җырлый. Барабанчы  марш уйный. Шулай  өйгә дә килеп керделәр.  

Әбинең сөенеченнән күзләренә яшь килде. Мич артына кереп, елап та чыкты.  Әти-әни эштә. Энем ятлаган  шигырен, ант вәгъдәсен сөйләп чыкты.    

                   “Яңгыр яуса, ява бирсен -

                  Чалт аяз күк миңа бүген.

                  Минем кебек көләч йөзле,

                  Гүя бөтен дөнья бүген.

                 Иң шатлыклы көнем бүген -

Пионерга  кердем бүген!”- дип,  бергәләп  җырлап та алдылар.  Вожатый  Гөлсинә апа  энемнең  муенына кып-кызыл галстук такты.

Шулай итеп, гәүдәсенең күп өлеше гипстан торган, диванда ятучы Әмир пионер булды. Ә мин, унике яшьлек мәктәп укучысы, үзем пионерга кергәннән дә болайрак сөенгәнемне хәтерлим.  Әби дә  бик шат иде. Әти белән әни  эштән кайтканчы энем галстугын таккан көе ятып торды.   

Әлеге укытучылар ул  чорда бала күңеленә шатлык орлыклары салганнарын  аңлаганнардымы, әмма ул вакыйга гомерлеккә  күңелле бер истәлек булып калды.

Əлеге фотода Əмир- отряд советы председателе. Дружина советы председателенə (анысы мин) рапорт бирə.

Əлеге фотода энем уң якта. Сулда- классташы Фəнзил

Əлеге фотода энем Артекта. Икенче рəттə уңнан дүртенче.

                                                                  

   Лилия  Нәкыйпова,

                                                                 Сосна-Көшкәтбаш.

Нравится
Поделиться:
Реклама
Комментарии (0)
  • 28 март 2018 - 21:20
    Жители села Ципья запустили белые шарики - Кемерово мы с тобой!
  • 20 март 2018 - 15:37
    Балтачта "Созвездие - Йолдызлык" фестивале талантларны барлый
  • “Балтач гүзәле” өчен тавыш бирү Бүгеннән “Балтач гүзәле” конкурсында катнашучылар арасында тавыш бирү башланды.
    794 кеше тавыш бирде
  • Балтач районы башлыгы гранты быел кемгә насыйп булды?
  • 100 ар ортчыса пумиськизы
  • Елабугаын экскурсия
  • Казанда «Бәллүр каләм» бәйгесе җиңүчеләрен бүләкләделәр
  • Илнур Шакиров призына шахмат ярышлары
  • Тимирязев иссемендәге хуҗалыкта чәчү эшләре
  • Район туристлары ялда
  • Таузар авылында узган "Уйнагыз гармуннар" фестивале - 13.05.2018
  • Покчи Лӧзя школалэн кизилиосыз
  • Балтачта Тукайны зурлап искә алдылар
  • Балтачта "Тукай көннәре"
  • Рәмис Насыйбуллин истәлегенә үткәрелгән баскетбол ярышлары
  • Бала күӊеленә ачкыч табучылар
  • Балтачта "Созвездие - Йолдызлык" фестивале талантларны барлый
  • Борнаклар елгасында бәйрәм
  • "Очрашуларны көтеп торабыз,әти-әни һөнәреннән үрнәк алабыз"
  • Йолдызлар “Йолдызлык”ка әзер
  • Балтач газчылары туган якка мәдхия җырлады
  • Балтач бистәсендә ярминкә
  • Пыжмара мәктәбе 100 еллыгын билгеләп үтте
  • ТР Мәгариф һәм фән министры Рафис Борһанов Чапшар күпфункцияле үзәгенндә булды
  • Балтач район Советының егерменче утырышында Татарстан Республикасы Мәгариф һәм фән министры Рафис Тимерхан улы Борһанов катнаша
  • Район хуҗалыкларында үтә торган хисап җыелышларының чираттагысы "Уңыш"та булды
  • Балтачта 15 февральдә әфганчы-интернационалистлар көне билгеләп үтелде
  • "Татарстан чаңгы юллары"нда балтачлылар да зур активлык күрсәтте
  • "Смәел" җәмгыятендә эшләүчеләр 2017 елда башкарган эшләренә анализ ясарга җыелды...
  • Бүген “Кама” күмәк хуҗалыгында отчет-сайлау җыелышы булып узды. Анда районыбыз башлыгы Рамил Нотфуллин да катнашты
  • “Каймак-Тау”да онытылмаслык бәйрәм үтте
  • Көшкәтбашта февральдә дә чәчәкләр ата
  • Балтачның “Ак калфак”чылары быел кәсепчеләрне барлау эшенә керешә
Ночной режим