Әчегән сөтне әрәм итмәгез!
Помидорны төрле авырулардан саклауның шәп чарасы бар.
Бакчадагы помидорларны сез дә көн саен берәмләп карап, барлап чыгасыздыр, мөгаен. Әгәр яфраклары саргая, анда таплар барлыкка килә икән, димәк, сагаерга урын бар. Күпләрне помидорларның фитофтороз белән авырып китүе борчый. Аларның яфраклары саргая, ә яңа гына барлыкка килгән помидорлары карая башлый. Мондый хәл булмасын өчен алдан ук чарасын күрергә кирәк.
Беренчедән, помидорларга суны көн дә сибәргә ярамый. Тәҗрибәле бакчачылар суны көннәр коры, эссе торганда да ике-өч көнгә бер сибә. Дым яхшы саклансын өчен яшелчә төпләренә яңа чабылган үлән, пычкы чүбе салып чыгалар. Шулай эшләгәндә артык чүп чыгып та җәфаламый. Бу помидорларны фитофтороздан саклау өчен дә яхшы ысул. Помидор сабакларының астагы һәм авыру яфракларын өзеп торырга кирәк.
Помидорларда фитофтороз авыруы булмасын өчен тагын бер киңәш: 10 литр суга бер литр ачыган сөт һәм 2 миллиграмм йод салып бутарга һәм шул сыекчаны яшелчә төпләренә сибеп чыгарга кирәк. (Бер чүмеч сыекчаны дүрт помидор төбенә салырга). Бу эшне башкарыр алдыннан помидорларга мул итеп су сибеп чыгыгыз.
Бу ысулны ике атнадан тагын кабатларга киңәш ителә.
Автор: Зөлфия Фәтхетдинова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев