Чәчне көн дә шампунь белән юаргамы?

Башны көн саен шампунь белән юарга ярамый, ул чәчнең табигый саклагыч элпәсен бетерә. Чәч майланса, җылы су белән чайкарга була.
Юар алдыннан чәчне тарагыз һәм кайнаррак су белән юешләгез, ул чәчнең тышкы тышчасын ача. Күп шампунь куллану зыянлы, ул чайкалып бетми. Уртача озынлыктагы чәчкә 5 сумлык тәңкәдән күбрәк шампунь һәм кондиционер алмыйлар. Чәчне җылымса су белән юарга кирәк. Кондиционерны чәчкә тигезләп таратып ышкырга һәм сирәк тешле тарак белән тарарга. Аннан салкын су белән юып төшерергә, ул чәчнең тышкы тышчасын яба. Болай чәч ялтырап тора, коелмый.

Хәзер коры шампуньнар бар. Аны чәчкә сиптереп, бераз ышкырга гына кирәк. Ул чәчнең маен ала, чистарта.

1. Чәчне юеш килеш тарамагыз. Сөлге белән яхшылап сөртү җитә.
2. Юеш чәчне фен белән кайнар һава өрдереп киптерү зыянлы.
3. Юеш чәч белән йокларга яту чәчләр өчен зыянлы, бу зарарлы микрофлора артуга да китерә.

Чыганак