Помидорларны ничек озаграк сакларга?

Саклау өчен помидорны төнге температура +8 оСка кадәр төшкәнче җыеп өлгерергә кирәк. Югыйсә алар чиргә бирешә башлый, кызарганнары да бик тәмле булмый.
Помидорны иртән, чык кипкәч җыегыз. Аны караңгы, салкынча урында сакларга кирәк. Баз, подвалга төшерә аласыз. Температура +5...+12 оС, дымлылык 80 % булырга тиеш. Помидорларны агач яки пластик әрҗәгә сабак очын өскә каратып, бер рәт кенә тезегез.

Арасына кызыл помидор кую янындагыларны тизрәк кызарта. Тиз кызаруын теләмисез икән, көн саен кызара башлаганнарын икенче әрҗәгә алып торыгыз.
Һәр помидорны кәгазьгә төреп куйсагыз, бер-берсенә тимәячәк.
Һәр помидорны аракы яки спиртка манылган мамык белән ышкып чистартып куючылар бар. Ул помидордагы зарарлы микроорганизмнарны бетерә.

чыганак