Балтачта алдынгыларны хөрмәтләделәр

Бүген V чакырылыш Татарстан Республикасы Балтач муниципаль районының XII утырышы уза. Эшлекле сөйләшүгә кадәр, район башлыгы Рамил Нотфуллин утырышта катнашучыларга мөрәҗәгать итеп, истәлекле вакыйгаларга тукталды.

Аерым игътибар 9 август — Төзүчеләр көне уңаеннан булды. Районыбызның социаль һәм инфраструктура объектларын торгызуга зур өлеш керткән әлеге мактаулы һөнәр вәкилләре хөрмәтләнде. Район башлыгы төзүчеләребезнең фидакарь хезмәтен югары бәяләп, Дәүләт бүләкләре һәм районыбызның Рәхмәт хатларын тапшырды.

Барлык алдынгыларыбызны ихлас күңелдән котлыйбыз, аларга алга таба да уңышлар, сәламәтлек һәм бәхет телибез!

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.