Фәридә Шакированың олуг юбилее - 75 яшьлек гомер бәйрәме!

Хөрмәтле Фәридә апа! Сезне юбилеегыз белән ихлас күңелдән тәбрик итәбез, ныклы тазалык, кояштай озын гомер, иҗат чишмәгезнең саекмавын, бәхетле гомер итүегезне телибез! Киң эрудициягә ия булган гамьле, мәгънәле, сизгер йөрәкле кеше буларак, Сез башкалар уңышын да сөенеп кабул итәсез, газетада чыккан әйбәт язмаларга матур бәя бирергә нигезле җылы сүз табасыз. Яз аенда тугангадыр, күңелегез нечкә һәм хисле, йөрәгегез кайнар Сезнең. Моннан соң да иҗат чишмәгез саекмасын, гаиләгез имин булсын, сау-сәламәт булып, җан тынычлыгы белән озак яшәгез!

Иң изге теләкләр белән, "Хезмәт" газетасы редакциясе коллективы.