Юбилеең белән!

Шәһәр малае булса да, балачактан авылга (әниебез чыгышы белән Шубаннан), Балтачның табигатенә, кешеләренә
гашыйк Айратыбыз, автотранспорт техникумын тәмамлагач та, "Алга" хуҗалыгына эшкә кайтты, аннан ике ел райпо системасында эшләде. Шушында дуслар тапты, Балтач кызы Резидәгә өйләнде, өй салды, кызлары Айсылу, уллары Рамазан туды.
Тәвәккәлләп, үз эшен булдырды. Башта запас частьлар алып кайту белән шөгыльләнсә, соңрак Балтачта иң беренче булып газ заправкасы ачты, кайчандыр чүплек булган урында заманча техник хезмәт күрсәтү үзәге, ял итү комплексы булдырды. Банкет заллары, ял итү өчен җәйге йорт, сауна-бассейн, бер дигән кафе, заманча кунакханәне үз
эченә алган "Ял" комплексына юлаучылар, командировкага килүчеләр генә түгел, Америка, Италия, Япониядән дә туристлар булып, бик сокланып киттеләр. Без, якыннары да, шушындый тәвәккәл дә, гади дә, кешелекле дә Айратыбыз
белән чын күңелдән горурланабыз, күрсәткән яхшылыклары-изгелекләре өчен чиксез рәхмәтләребезне әйтәбез.
Айрат! Алтын юбилеең белән сине! Гомерең буе сау-сәламәт яшә, гел шушындый гади дә, мәртәбәле дә булып
кал! Безнең өчен син һәрвакыт ныклы таяныч, киңәшче һәм теләсә нинди очракта да ярдәмгә килеп җитүче олы
йөрәкле кеше булдың. Безне тагын да сөендереп, сокландырып, бик күпләргә үрнәк-өлге булып яшәргә, эшләргә,
әле тагын да зуррак уңышларга ирешергә язсын!

Туар елларда да тормышыңның
Бөтен ягы булсын түгәрәк.
Бер-беребезгә нык таяныч булып,
Гомер итик әле бергәләп!