Балтач хоккейчылары Камчатка командасын 14-1 белән отты

Шушы көннәрдә Башкортстан республикасының Салават шәһәрендә “Алтын алка” ярышлары бара. Районыбызның хоккей буенча җыелма командасы да баш тренер Рөстәм Хөсәенов белән шунда чыгыш ясый. Егетләребез өчен җиңүләр белән җиңелүләр чиратлап килсә дә, бүген Камчатка өлкәсе командасына каршы үткәргән уеннарын 14-1 исәбе белән җиңеп, өстен чыктылар. Егетләребезнең көндәлек уеннарын турыдан-туры эфирда да, соңрак та Ютубтан карап була. Хоккейчыларыбызга чын күңелдән уңышлар телибез һәм исән-сау туган якларына әйләнеп кайтуларын көтеп калабыз.

Видео: youtube.com