Укыймый калмагыз: яшь шахматчыларыбызның зур җиңүләре (+фото)

Әлеге ярышлардан балтачлылар да читтә калмады.Бөрбаштан Корбанова Зифа, Шубаннан Хәйруллин Әмирхан, Балтачтан Закирова Дилә һәм Камалов Сәйдәш турнирда катнашып, матур нәтиҗәләргә ирешеп кайттылар.Закирова Дилә  6яшьтә генә (2011нче елгы) булуына карамастан, ярышларда 2нче урынны яулады. Катнашучыларның 90проценты шәһәр балалары булуын исәпкә алсак, бу зур җиңү. Әмирхан 9мөмкинлектән 6очко җыеп, 20 бүләкләнүче арасына керде. Үткән ел мәктәпкәчә яшьтәге балалар арасында республика күләмендә 3нче урынны алган бу егетебез дә бик өметле. Киләчәктә зур җиңүләр юлдаш булсын үзенә.
Зифа 4,5очко җыеп унлыкка керде. 2010нчы елгы балалар белән уйнавын исәпкә алсаң, бу да яхшы күрсәткеч.  Сәйдәш(югары лигада уйнап) 6 очко җыйды һәм 9нчы урынны яулады.
– Нәни шахматчыларыбызны зур җиңүләре белән ихластан котлыйбыз. Киләсе уку елында шахматның дәрес булып керүен исәпкә алсак,районыбызда шахмат уены белән кызыксынучы балаларыбыз тагын да артыр дигән өметтә калабыз, – ди тренерлары Ландыш Гарифуллина.

Без дә сайтыбызның күпсанлы укучылары исеменнән шахматчыларны, аларның тренерлары  Ландыш Василовнаны зур җиңүләре белән тәбрик итәбез. Шулай ук һәрдаим ярышларга баруда матди ярдәм күрсәткәне өчент “Агрохимсервис”җитəкчесе Наил Гыйләҗевка барлык әти -әниләр исеменнән олы рәхмәт хисләре ирештерәбез.