Казанда Дөнья чемпионатының 4 көнендә җанатарлар фестивалендә 150 мең кеше кунак булган
«Казан Арена» стадионыда узган Франция – Австралия матчына 41 меңнән артык тамашачы җыелган.
Казанда футбол буенча Дөнья чемпионатының 4 көнендә җанатарлар фестивалендә 14 матч күрсәтелгән, аларны 150 мең кеше тамаша кылган. Казан мэриясендә узган эшлекле дүшәмбе киңәшмәсендә Башкарма комитет җитәкчесенең беренче урынбасары Дамир Фәттахов шул хакта хәбәр итте.
Җанатарлар фестиваленең беренче көненә 25 меңгә якын кеше җыелган. 16 июньдә исә тамашачылар саны буенча (56 меңнән артык футбол җанатары) рекорд куелган.
16 июньдә «Казан Арена» стадионыда узган Франция – Австралия матчына 41 меңнән артык тамашачы җыелган. «Барлык хезмәтләрнең көйле эшләве нәтиҗәсендә, матч тәмамлангач җанатарлар стадионнан 55 минут эчендә таралышты», – дип искәртте Дамир Фәттахов.
Мәгълүмат «Татар-информ»нан алынды.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев