Айгөл Әсхәдуллина уңышка иреште

Күптән түгел Арча каласында «Абилимпикс-2025» дигән, физик мөмкинлеге чикле иптәшләр арасында һөнәри осталык буенча милли чемпионатның региональ этабы узды.

Биредә безнең районнан «Фикердәш» клубына актив йөрүче, кул эшләре белән шөгыльләнүче Айгөл Әсхәдуллина катнашты һәм күркәм уңышларга лаек булды.

Айгөл ыргак белән матур әйберләр үрү осталыгына ия. Афәрин, уңган кыз, уңышларың дәвамлы булсын! " Мин бик рәхмәтле Илһам Фидәелевичка, барырга машина юк иде, ул юнәтеп бирде, алып барган шоферга да үз исемемнән дә, Айгөл исеменнән дә рәхмәт белдерәм", дип элемтәгә керде " Фикердәш " клубы җитәкчесе Чулпан Габделганиева.