Узган җомгада һәйкәл-монументны үзгәртеп корулар буенча зур киңәшмә булып узган иде.
Якын киләчәктә Казан юлындагы һәйкәл монументны үзгәртеп корулар көтә. "МДСУ-1" оешмасы тарафыннан зур, күләмле төзекләндерү эшләре планлаштырыла. Шул уңайдан 14 июль көнне районның баш архитекторы, Һава Көчләре гаскәрләре ветераны Шамил Борһанов, "МДСУ-1" оешмасы җитәкчесе урынбасары, Чик гаскәрләре ветераны Илһам Әюпов, районның Әфганчылар советы рәисе , Чик гаскәрләре ветераны Дилүс Гатиятуллин һәм районның Чик гаскәрләре ветераннары активисты Ринат Зарипов катнашында эшлекле киңәшмә булып узды.
Киңәшмәдә катнашучылар эәш планнарын уртага салып киңәшләштеләр, уй-фикерләре белән уртаклаштылар.. Үзәк һәйкәлнең брусчаткаларын алыштырып тигезләп җәю, үзәк юлны киңәйтү һәм һәрбер хәрби символик һәйкәлләргә керү юлларын булдыру, асфальтлау, юл кырыйларына бардюрлар урнаштыру, үзәк һәйкәл каршында махсус ял итү мәйданчыгы булдыру, анда эскәмияләр кую эшләре башкарылачак , һәрбер символик һәйкәл янына чик гаскәрләре һәйкәле янындагы кебек зур истәлек ташлары кую һәм флажоклар урнаштыру күздә тотыла.
Нет комментариев